Mae Dogfennaeth Deall Data newydd gan Dr Alexandra Sandu a Dr Jennifer May Hampton o Labordy Data Addysg WISERD ac a gynhyrchwyd gan dîm ymchwil addysg ADR Cymru bellach ar gael: Ymgysylltu ag amgylchedd dysgu rhithwir Hwb yn ystod y cyfnod cau ysgolion oherwydd Covid-19 .
Mae’r adroddiad hwn yn nodi canfyddiadau cynnar ynghylch y ffordd mae disgyblion mewn sectorau cynradd, uwchradd ac ysgolion arbennig wedi bod yn ymgysylltu ag amgylchedd dysgu rhithwir Hwb yn ystod blwyddyn academaidd 2019/2020.
“Er ei fod yn cael ei ystyried i ddechrau yn fesur dilys i liniaru lledaeniad Covid-19, mae cau ysgolion yn genedlaethol wedi sbarduno pryderon ynghylch allgáu digidol a gwaethygu’r anghydraddoldebau addysgol presennol, drwy golli cyfleoedd dysgu.
Mae data gweinyddol ar fewngofnodi drwy wefan Hwb yn caniatáu i waith dadansoddi ac adnabod tueddiadau a phatrymau o ran t math hwn o ddysgu o bell yng Nghymru, fynd rhagddo. Er mai dim ond agweddau ar y ffyrdd y defnyddir Hwb a dysgu ar-lein yn gyffredinol mae’r data hyn yn ei gynnig, gall fod o gymorth o ran deall yr heriau y gallai rhai ysgolion fod yn eu hwynebu wrth annog eu disgyblion i ddefnyddio’r adnoddau hyn.
Yn ei dro, gall y dadansoddi hyn helpu i atal gwahaniaethau addysgol presennol rhag gwaethygu ymhellach, gyda lliniaru yn digwydd trwy roi ymatebion wedi’u targedu a chamau gweithredu ar lefel genedlaethol, ranbarthol a/neu’r ysgol ar waith.”
Darllenwch y Ddogfennaeth Deall Data lawn.
Mae Labordy Data Addysg WISERD yn fenter a ariennir gan ESRC/Llywodraeth Cymru sy’n cael ei chefnogi gan ADR Cymru ac sydd hefyd yn gweithio mewn cydweithrediad ag ADR Cymru.
