Adroddiad WISERD ar Gweithio Gartref yn y DU: Cyn ac Yn ystod Cyfnod Clo 2020, fe nodwyd mewn ymgynghoriad gan y llywodraeth ar wneud gweithio hyblyg yn ddiofyn. Mae’r ymgynghoriad agored yn ceisio barn unigolion a busnesau am gynigion i ddiwygio rheoliadau gweithio hyblyg (Rheoliadau Gweithio Hyblyg 2014).
Mae’r adroddiad, gan Alan Felstead o Brifysgol Caerdydd a Darja Reuschke o Brifysgol Southampton, yn cyflwyno tystiolaeth o faint o waith â thâl a ddechreuodd gael ei wneud gartref yn y DU yn ystod y cyfnod clo. Mae’n ystyried effaith gweithio gartref ar les meddyliol a chynhyrchedd pobl a chyffredinolrwydd tebygol gweithio gartref pan na fydd angen cadw pellter cymdeithasol mwyach.
Mae’r adroddiad yn canfod bod llawer o weithwyr, yn gyffredinol, wedi dod i arfer â – ac wedi profi manteision hyd yn oed – gweithio gartref, ar ôl dechrau sigledig. Yn ogystal, nid yw’r newid tuag at weithio gartref wedi effeithio’n andwyol ar gynhyrchiant. At hynny, os caniateir i’r rhai sydd am barhau i weithio gartref yn y dyfodol wneud hynny, gall cynhyrchiant gael hwb gan gynnydd parhaus yn y nifer sy’n gweithio gartref, gan fod y rhai a oedd yn teimlo’n fwy cynhyrchiol tra’n gweithio gartref ymhlith y rhai awyddus i barhau i weithio gartref.
Yn ddiweddar, mae’r Athro Felstead wedi cwblhau adolygiad ehangach o’r dystiolaeth hanesyddol a chyfoes ar y pwnc. Gweithio o Bell: Bydd Trosolwg Ymchwil yn cael ei gyhoeddi gan Routledge ar ddechrau 2022.
Mae un o dimoedd WISERD, sy’n cynnwys yr Athro Felstead a Rhys Davies, hefyd yn ymwneud â chydweithrediad a ariennir gan ESRC: Hwb Deilliannau Cynhyrchiant Ymarfer, Ymgysylltu a Dysgu yn y Gweithle (PrOPEL). Nod Hwb PrOPEL yw helpu i wella cynhyrchedd a lles yn y gwaith drwy gefnogi twf gweithleoedd gwell yn y DU. Mae crynodeb o’r adroddiad ar gael gan PrOPEL.
Gallwch gael rhagor o wybodaeth am yr ymgynghoriad a sut i ymateb iddo ar wefan GOV.UK. Gofynnir i chi ymateb i’r ymgynghoriad cyn 11.45pm ar 1 Rhagfyr 2021.