Er bod llywodraethu cydweithredol yn meithrin penderfyniadau ac ymgysylltu cynhwysol, mae heriau’n parhau o ran sicrhau bod gwersi yn sgil cyfranogiad dinasyddion a chymdeithas sifil yn llywio datblygiad polisïau’n uniongyrchol. Mae’r prosiect yn edrych ar sut y gellir cynllunio ac integreiddio strwythurau llywodraethu, rhwydweithiau polisi a fforymau ymgynghori presennol yn well er mwyn creu amgylchedd mwy ymatebol wrth lunio polisïau. Y nod yw trosi gwersi ynghylch arferion da mewn llywodraethu cydweithredol gwledig ac arloesol er mwyn llywio’r gwaith o lunio polisïau yn gliriach yng Nghymru.
