Prif Siaradwyr

Derek Walker yw ail Gomisiynydd Cenedlaethau’r Dyfodol Cymru, ar ôl ymgymryd â’r rôl ym mis Mawrth 2023. Mae’n gyfrifol am sicrhau bod Deddf Llesiant Cenedlaethau’r Dyfodol (Cymru) 2015 yn cael ei gweithredu ar draws cyrff cyhoeddus, gan annog y llywodraeth a chyrff cyhoeddus i gymryd golwg hirdymor ar benderfyniadau polisi, a diogelu a hyrwyddo anghenion cenedlaethau’r dyfodol.

Yn ei flwyddyn gyntaf yn ei swydd, lansiodd Cymru Can, strategaeth saith mlynedd sy’n canolbwyntio ar bum maes: gwella bywydau bob dydd pobl, ymateb i’r argyfyngau hinsawdd a natur, atal salwch, adeiladu economi llesiant, a diogelu’r iaith a diwylliant Cymraeg.

Mae Rebecca Coleman yn Athro yn Sefydliad Dyfodol Digidol Bryste (BDFI), Canolfan ESRC ar gyfer Dyfodol Cymdeithasol-ddigidol (CenSoF) a’r Ysgol Cymdeithaseg, Gwleidyddiaeth ac Astudiaethau Rhyngwladol ym Mhrifysgol Bryste.

Mae ei hymchwil yn croesi cymdeithaseg, astudiaethau cyfryngau a diwylliannol, a theori ffeministaidd, gyda diddordebau penodol mewn cyfryngau a diwylliannau digidol, dyfodol a phresennol, cyrff, effaith a materoliaeth newydd, a methodolegau dyfeisgar. Mae hi wedi gweithio mewn adrannau cymdeithaseg yn Goldsmiths, Prifysgol Llundain a Phrifysgol Caerhirfryn yn flaenorol.