Arweiniodd etholiad Senedd Cymru ym mis Mai 2026 at weddnewid tirwedd etholiadol a gwleidyddol Cymru. Ymunwch â ni i gael y data a’r dadansoddiadau diweddaraf gan arbenigwyr ym Mhrifysgolion Abertawe ac Aberystwyth.
Bydd Dr Anwen Elias, Dr Mohsin Hussain, Dr Bettina Petersohn a’r Athro Matthew Wall o Astudiaeth Etholiad Cymru 2026 yn cyflwyno data ar farn y cyhoedd o’r cyfnod cyn, yn ystod ac ar ôl yr etholiad, i helpu i ddeall sut y pleidleisiodd Cymru ar 7 Mai ac am farn y cyhoedd am faterion polisi pwysig.
Byddan nhw’n archwilio agweddau tuag at ddemocratiaeth a’r diwygiadau i sut mae Senedd Cymru yn cael ei hethol, a’r materion allweddol oedd yn bwysig yn yr etholiad hwn a sut y gwnaeth hyn lywio dewisiadau pleidleiswyr. Byddant hefyd yn cyflwyno data am agweddau pobl tuag at y lleoedd a’r cymunedau lle maent yn byw, gan ganolbwyntio ar Abertawe, Castell-nedd, Phort Talbot a Sir Gaerfyrddin – cwestiynau sydd wedi cael eu gofyn am y tro cyntaf yn Astudiaeth Etholiad Cymru 2026.