Yn Dod i Ddyfodol Cymru Gwledig: Beth yw anghenion tystiolaeth cymdeithas sifil gweldig?

Trefnwyd gan y Ganolfan Gwleidyddiaeth a Chymdeithas Cymru / WISERD

Mae polisi gwledig yng Nghymru yn wynebu ei ddiwygiadau mwyaf arwyddocaol mewn degawdau wrth i Lywodraeth Cymru ystyried opsiynau ar gyfer polisi a chyllid datblygu gwledig ar ôl i Brydain dynnu allan o’r Undeb Ewropeaidd. Mae gwyro oddi wrth y Polisi Amaethyddol Cyffredin ac o bolisïau datblygu a chydlyniant rhanbarthol Ewropeaidd yn cyflwyno bygythiadau a chyfleoedd, ond mae ofnau y gallai pwysau gwleidyddol arwain at wasgu cefnogaeth i ddatblygu gwledig a chymunedau gwledig a cholli cyfleoedd ar gyfer dulliau newydd. Yn benodol, bu pryderon nad yw lleisiau cymunedau gwledig yn cael eu clywed yn ddigonol mewn dadleuon polisi, gyda symudiadau diweddar i ffurfio rhwydwaith gwledig i gryfhau cynrychiolaeth cymdeithas sifil wledig yng Nghymru. Nod y digwyddiad hwn yw archwilio sut y gall ymchwilwyr sy’n astudio cefn gwlad Cymru gyfrannu at y broses hon trwy weithio gyda grwpiau cymdeithas sifil i nodi problemau, datblygu ymatebion a darparu tystiolaeth ar gyfer llunio polisïau. Gan ddefnyddio fformat ‘caffi byd’ gyda chyfranogwyr yn gallu ymuno â chyfres o drafodaethau grŵp bach ar wahanol bynciau, bydd y digwyddiad yn tynnu sylw at ymchwil a thystiolaeth bresennol ac yn dod ag ymchwilwyr a grwpiau cymdeithas sifil ynghyd i weithio ar syniadau ymchwil newydd. Bydd y trafodaethau grŵp bach yn ymdrin â themâu: (1) Cymunedau gwledig, diwylliant ac iaith; (2) Gwasanaethau cyhoeddus a seilwaith; (3) Economi a chyflogaeth; (4) Newid poblogaethau gwledig; (5) Yr amgylchedd a defnydd tir.

 

Rhaglen