Ydy hi’n talu i siarad Cymraeg? Effaith iaith a mudo ar yrfaoedd cynnar myfyrwyr Cymru

Mae’r Mewnwelediad Data hwn yn archwilio dylanwad yr iaith Gymraeg a mudo ar enillion graddedigion sy’n byw yng Nghymru tua chwe mis ar ôl graddio. Gan ddefnyddio data gweinyddol cysylltiedig ynghyd â gwybodaeth o arolwg Cyrchfannau’r Rhai sy’n Gadael Addysg Uwch, rydym yn canfod bod y rhai sy’n aros neu’n dychwelyd i Gymru ar ôl graddio yn ennill llai na’r rhai sy’n gweithio yn rhywle arall. Fodd bynnag, ymhlith y rhai sy’n gweithio yng Nghymru, mae enillion yn uwch i’r rhai sy’n rhugl yn y Gymraeg. Ymhlith siaradwyr Cymraeg rhugl a arhosodd yng Nghymru i astudio, mae hyn yn fwy gwir ymhlith y rhai a addysgwyd trwy gyfrwng y Gymraeg. Mae cyfleoedd i ddysgu trwy gyfrwng y Gymraeg yn cynrychioli manteision y gallai darpar fyfyrwyr prifysgol fod yn dymuno eu harchwilio.