Pwy sy’n cael swydd graddedig? Effaith iaith a mudo ar yrfaoedd cynnar myfyrwyr Cymrus

Mae’r Cip ar Ddata hwn yn archwilio dylanwad yr iaith Gymraeg a mudo ar y tebygolrwydd y bydd graddedigion sy’n byw yng Nghymru mewn swydd raddedig tua chwe mis ar ôl cwblhau eu hastudiaethau. Gan ddefnyddio data gweinyddol cysylltiedig ynghyd â gwybodaeth o arolwg Cyrchfannau’r Rhai sy’n Gadael Addysg Uwch (DLHE), rydym yn canfod bod gadael Cymru i weithio mewn mannau eraill yn y DU yn gysylltiedig â thebygolrwydd uwch o ddod o hyd i swydd i raddedigion o fewn chwe mis i gymhwyso o’r brifysgol. I’r rhai sy’n dewis dod o hyd i waith yng Nghymru, mae’r tebygolrwydd o gael swydd raddedig yn uwch i’r rhai sy’n rhugl yn y Gymraeg ac a astudiodd ar gyfer eu gradd – o leiaf yn rhannol – drwy gyfrwng y Gymraeg.